كتبت المطربة هدى عربي الملقبة بـ”السلطانه” على صفحتها الرسمية بالفيس بوك و ردت على من اتهموها بنكران عمل والدتها : “في زول سألني من شغل امي. هل امك لسة خياطة رديت بالحييييل، بعض الاصدقاء ما حبو السؤال حقكم علي”.
واضافت عربى، انا عن نفسي فخورة جدا انو امي شغالة من سنة 86 يعني كان عمري سنتين للان في المخازن والمهمات، وانا فخورة جداً بي امي وبي انو اتربينا حلال. ??
واضافت عربى، من الطرائف انا صغيرة مرة اصريت تسوقني معاها الشغل، مشيت صالة كبيرة كمية من مكن الخياطة، واي عاملة جنبها صندوق لي ادوات الخياطة، اها انا مبسوطة الساعة الاولى من الصباح بعد شوية جاتني الزهجة ???? طلعت قعدت في الصندوق وكل شوية شابكاها امي ارح البيت امي ارح البيت ولسة نهاية الدوام ما جات. صنيت مسافة وانا مشعلقة في صندوقي داك قلت ليها امي ( ما قررتي نمشي البيت ) ?????? اتفقعوا بالضحك امي وزميلاتها وللان زميلة امي كل مرة تسألها عليك الله امي ما قررتي نمشي البيت كيفنها ان شاء الله كويسة ????سار علي الاسم وسط صحبات امي ????الله يديها العافية ويحفظها ويحفظ كل امهاتنا”
شارك هذا الخبر على
