دافع الفنان أحمد الجقر عن الممثل وراق عمر الشهير بحسن تسريحة عقب ظهوره في برنامج على قناة النيل الأزرق و إليكم نص ما كتبه على صفحته الرسمية بالفيس بوك
(حسن تسريحه )
وراق عمر
الفيس كلو بنبز في الشاب ده
طيب الشاب ده ي اخوانا انا بعرفو معرفه شخصيه
وعندو في اليوتيوب مسلسلات وفيديوهات مشاهداتا عاليه جدا
منها حسن تسريحه وود الشوربه. وكميه من الشخصيات البمثلا الشخص ده
ومن الشخصيات دي امبارح ظهر في النيل الازرق عبر كركتر حسن تسريحه وكان بمثل في الدور ده زيو زي اي ممثل من ممثلين بلادي الظهرو قبل كده في شخصيات نسوان حبوبات.
مجرمين والى اخره ….
في النهايه ده تمثيل وحاجه كوميديه لا يمكن نحكم علي انسان عشان هو مثلا
طيب بالنسبه للناس القالو ده شنو العبط الهو بعمل فيهو ده
ابشركم انو الانتو شايفنو عبط ده
عندو متابعين في اليوتيوب ومعجبين بحضرو مسلسلات الزول ده وحلقاتو بشغف شديد ومتابعه عاليه جدا وفيكم تخشو وتشوفو كميه المشاهده
اذن هذا الرجل عندو معجبين وانت اذا ما عجبك عجب غيرك وهو بمثل لي غيرك
اما بالنسبه للناس القايلين الزول ده جادي وهو زول مكسور وزول ما كويس
احب اقوليكم ده تمثيييييل لي شخصيه اسمها ( حسن تسريحه )
بتتكلم عن الحناكيش البتحنكشو وهم ما حناكيش وداخلين في الدور والدور ده ما جاي معاهم )
دي كل الفكره
والخلاني ادافع ليهو
اولا ده زول انا بتجمعني بيهو علاقه طيبه وانا اصلا بحب اي زول مجتهد
وعندو حلم وبعافر ويجاهد عشان يصلو
تانيا الزول ده مظلوم جدا في كميه الاسائات الجاتو
وحبيت اوضح للناس من هو وراق عمر
شارك هذا الخبر على
