✍🏼عمار الخليفة
مستغربين من وحشية واجرام وقذراة الكيزان !!
مش دي افعال الكيزان من اكتر من ٤٠ سنة !!
مش ديل الكيزان العملوا قوانيين سبتمبر في عهد نميري ودوروا في الشعب السوداني اعدمات وقطع ايادي وقطع من خلاف وجلد ورجم ..
مش ديل الكيزان الاختطفوا الجيش وعملوا انقلاب الانقاذ ..
مش ديل الكيزان الاعدموا ضباط الجيش بدون محاكمات ورموهم في مقبرة جماعية ..
مش ديل الكيزان العملوا التمكين ورفدوا الناس وشردوهم ..
مش ديل الكيزان الحولوا مشكلة الجنوب لحروب جهادية وعنصرية قتلوا فيها الملايين ..
مش ديل الكيزان العذبوا الشعب السوداني في المعتقلات وبيوت الاشباح وعذبوا ثم كتلوا الطبيب والمهندس والمدرس والطالب …
مش ديل الكيزان الاستعملوا الحرق والخوازيق والدقوا المسامير في العنق وراس المعارضين …
مش ديل الكيزان الكانت كوادرهم الطلابية بتشيل السكاكين والسيخ والجنازير ويقمعوا ويعذبوا ويغتالوا زملائهم الطلاب ..
مش ديل الكيزان الاهانوا المرأة السودانية بالجلد في الشوارع ثم بالتحرش والاغتصاب في المعتقلات وبيوت الأمن ..
مش ديل الكيزان الكتلوا الطلبة الداخلين يادوب للجامعة في معسكر العيلفون ..
مش ديل الكيزان الكانوا بيقبضوا الشباب في الشوارع ويودوهم الخدمة الالزامية وبدون تدريب لمناطق الحروب ويقدموهم ينضفوا بيهم الاراضي المزروعة بالالغام ..
مش ديل الكيزان القمعوا وعذبوا وقتلوا اهلنا المناصير في بدايات انشاء سد مروي ..
مش ديل الكيزان الجابوا الارهابيين من كل بقاع العالم وسكنوهم ودربوهم في السودان وصدروهم عشان ينفذوا العمليات الارهابية …
مش ديل الكيزان العملوا
حرس الحدود وكتلوا مئات الالاف في دارفور وارتكبوا المجازر والابادة الجماعية فيها في جبال النوبه والنيل الازرق واغتصبوا وسرقوا وحرقوا القري ..
مش ديل الكيزان الكتلوا الناس في جبال النوبة برميهم بالبراميل الحارقة عن طريق الطيران ..
مش ديل الكيزان الكتلوا المئات بالرصاص الحي ورموهم في الخيران في مظاهرات سبتمبر ٢٠١٣ ..
مش ديل الكيزان الكتلوا الشعب السوداني في الشهور الاولي لثورة ديسمبر …
مش ديل الكيزان الارتكبوا مجزرة شارع النيل ومجزرة فض الاعتصام واغتصبوا ورموا المتظاهرين في النيل بعد ربطهم بالواح خرسانية ..
مش ديل الكيزان العملوا الفتن القبلية المات فيها الالاف في الغرب و الشرق وفي سنار وفي النيل الازرق وفي دارفور و كردفان
مش ديل الكيزان الكتلوا السودانيين وارتكبوا المجازر في المظاهرات الاندلعت بعد انقلاب ٢٥ اكتوبر ..
مش ديل الكيزان الولعوا الحرب وحرقوا الاخضر واليابس ودمروا البلد..
مش ديل الكيزان القطعوا الرؤوس وشقوا البطون واخرجواء الامعاء في قبضة اليد وهم يهللون …
مش ديل الكيزان الاطلقوا الرصاص علي المواطنيين لمجرد انهم لم يهربوا ويتركوا بيوتهم ..
مش ديل الكيزان الكانوا بيشيلوا جماجم الموتي ويتصوروا بيها …
مش ديل الكيزان الذبحوا المواطنيين من الوريد للوريد بسبب الشبهة وبعد حوار لا يتعدي الدقائق ..
مش ديل الكيزان الرموا القنابل الحارقة علي الاسواق والقري لتتفحم الجثث ويكتب اعلامهم محتفلين بحرق الجثث ويسمونها حفلات باربكيو !!!
ديل الكيزان وده تاريخهم القذر وحاضرهم الاقذر .. يبقي مافي داعي للاستغراب .. وبدل الاستغراب الناس لازم تتيقن انو احنا كسودانيين ما عندنا حل عشان نستمر نعيش في الدنيا دي نحنا واولادنا واهلنا لازم نتخلص من الكيزان وللأبد وبلا اي فرصة لعودتهم مرة اخري للسلطة .
